काठमाडौँ। बाढीले क्षतिग्रस्त बीपी राजमार्गका नाै स्थानमा पुनर्निर्माण सम्पन्न भएको छ। सडक विभागले बिहीबार सार्वजनिक गरेको विवरण अनुसार अब ७ स्थानमा मर्मत कार्य जारी रहेको छ ।

विभागका अनुसार डालाबेँसी ५ सय मिटर,  कालढुंगा ४१०, नार्के ५० मिटर, गिम्दिबेँसी ५० मिटर, चार सय बेँसी घुमाउनेमा ८० मिटर, कटुन्जे घुमाउनेमा ३ सय मिटर,  चौकीडाँडामा ३७५ मिटर र दाप्चा पुलमा ८० मिटरमा पुनर्निर्माण सम्पन्न भएको विभागले जनाएको छ । 

यस्तै गरी अब माम्ती  ४ सय मिटर,अपर माम्ती २३५ मिटर, लोअर पिप्ले २२० मिटर, अपर पिप्ले २२० मिटर बोक्सीकुना २ सय,  चिउसीवास १२० मिटर  र चारसयबेँसीमा ३ सय मिटरमा मर्मत कार्य जारी रहेको छ ।