दोलखा जिल्लाको कालिञ्चोक गाउँपालिका - ५ देउखुरे थालीमा घाँस काट्न जाने क्रममा लडेर एकजना घाइते भएका छन्। घाइते हुनेमा स्थानीय ६६ वर्षीय पहलमान थामी रहेका छन्।
बुधबार दिउँसो घर नजिकको रानी वनमा घाँस काट्न जाने क्रममा बाटोमा बेहोस भई लडेर घाइते भएका हुन्। उनको बायाँ हात भाँचिएको र निधारमा चोट लागेको छ।
निजलाई चरिकोटमा रहेको पशुपति चौलागाई स्मृति अस्पतालमा सामान्य उपचारपछि धुलिखेल अस्पताल काभ्रे रिफर गरिएको छ।